නිවස හැඩකරන බෝගන්විලා ..

කඩදාසි මල් ලෙස හැදින්වෙන බෝගන්විලා ශාකය සොබාදහමේ අපූර්වතම චමත්කාරජනක නිර්මාණයකි.එක පොකුරට පිපෙන බෝගන්විලා හැඩයෙන් පැහැයෙන් මෙන්ම සුන්දරත්වයෙන් ද ගෙවත්තට එක් කරනුයේ මනස්කාන්ත පරිසරයකි. උද්‍යාන අලංකරනයේදී බෝගන්විලා සිටුවා ගන්න බොහෝ දෙනෙකු උනන්දු වන අතර සෙවණ සහිත ස්ථානවල මෙම ශාකය සිටුවා මල් ලබාගැනීමටබොහෝදෙනා උනන්දුවෙති.

ඉතා සුන්දර සුන්දරත්වයෙන් යුතු බෝගන්විලා ශාකය විවිධ වර්ණයන්ගෙන් යුක්ත වේ.ඒ අතර වර්තමානයේ දී ද්වි වර්ණවලින් යුත් බෝගන්විලා වඩාත් ජනප්‍රිය වී ඇත.එහි ඇති සුන්දරත්වය, සිත් ආකර්ෂණය කරන පැහැයත්,කුඩා ශාකයක් වීම නිසාත් බෝගන්විලා ශාකය සිටුවා ගැනීමට බොහෝදෙනා උනන්දුවෙති.

නික්ටජිනේසියේ ශාක කුලයට අයත් බෝගන්විලා ශාකයේ ජන්මභූමිය බ්‍රසීලයේ හා මධ්‍යධරණී මුහුද ආශ්‍රිත ප්‍රදේශයන්ය.බෝගන්විලා ශාකය වර්ධනය සඳහා යෝග්‍ය පරිසර උෂ්ණත්වය වන්නේ සෙල්සියස් අංශක 33 සහ ඊට ඉහළ උෂ්ණත්වයන් ය.

පැළ බෝ කරගැනීම

මෙම ශාකයේ පැල බෝකර ගැනීම සඳහා අතු කැබලි යොදා ගත හැකි අතර ගැට තුනක් වූ හතරක් සහිත මීටර් හයක් හතක් පමණ දිග අතු කැබලි වල පහළ කොළ ඉවත් කර මුල්වල වර්ධක හෝමෝනයක් ආලේප කර ගැනීමේන් සාර්ථකව මුල් අද්දවා ගත හැකිය.සෙක්ටෝ,සෙරඩික්ස්,රූටෝන් යන නම් වලින් මෙම හෝමෝන පවතින අතර මේවා වෙළෙඳපොළින් ලබාගත හැකිය.බෝගන්විලා ශාකයේ අතු කැබලි ප්‍රචාරණ මාධ්‍යයක් තුළ තබා මුල් අද්දවා ගැනීම සිදු කළ හැකිය.ඒ ආකාරයෙන් පිළියෙල කරගත් අතු කැබලි 2:1 අනුපාතයට මිශ්‍ර කරගත් කොම්පෝස්ට් හා වැලි මිශ්‍රණය සහිත තවානක සිටුවා එය පොලිතීන්වලින් ආවරණය කර ප්‍රචාරණ ගෘහයක් ලෙසට සකස් කරගත යුතුය.මෙම ස්ථානයට කෙලින්ම හිරු එළිය නොවැටෙන සේ තබා ගැනීම අවශ්‍ය වන අතර දින දෙක දෙක තුනකට වරක් ප්‍රචාරණ ගෘහය තුළට වාතාශ්‍රය ලැබීමට ඉඩ සැලසීමෙන් මුල් ඇදීම වඩාත් වේගවත් වේ.

සුදුසු මාධ්‍ය හා පොහොර යෙදීම

බෝගන්විලා ශාකයට සුදුසු මාධ්‍ය තෝරා ගැනීමේ දී වඩාත්  සැලකිලිමත් විය යුතුය. ඒ සඳහා මතුපිට පස් කොටස් 3යි කොළ පොහොර කොටස් 2යි දිරණ ලද ගොම කොටස් 1යි ගොරෝසු වැලි කොටස් 1/2 යි, උළු කැට කැබලි 1/4 ලෙස ගෙන ඒවා මිශ්‍ර කර බඳුන්වලට පුරවා මුල් අද්දවා ගත් අතු කැබැලි සිටුවා ගත හැකිය.බෝගන්විලා ශාකය පොහොර වලට හොඳ ප්‍රතිචාරයක් දක්වන අතර සකස් කළ පොහොර මිශ්‍රණ වෙළඳපොලේ මිලදී ගැනීමට ඇත.මසකට වරක් ගොම පොහොර වලට යූරියා ස්වල්පයක් කලවම් කර යෙදීමෙන් පැළයේ වර්ධනය ඒකාකාරීව පවත්වා ගැනීමට හැකිය.එසේම පොටෑසියම් වැඩි මිශ්‍රණය සති දෙකකට වරක් යෙදීමෙන්ද හොඳ ප්‍රතිඵල ලබාගත හැකිය.

කප්පාදු කිරීම

බෝගන්විලා ශාකයේ මල් හට ගැනීම යම් කාලයකට සිදුවන අතර වර්ෂා කාලයේ දී විශේෂයෙන්ම බෝගන්විලා ශාකය මල් හට ගැනීම සිදු නොවේ.එවැනි කාලවල දී බෝගන්විලා ශාකයේ කොළ හැලීයාම සිදු වන අතර එවැනි අවස්ථාවල බෝගන්විලා ශාකය කප්පාදු කළ යුතුය.බෝගන්විලා ශාකය කප්පාදු කිරීමේදී ශාකයෙන් භාගයක් පමණ ඉතිරි කර අනෙක් අතු කපා ඉවත් කළ යුතුය.එමෙන්ම සිටුවා ඇති බඳුන තුළ පිටට නොපෙනෙන ආකාරයට මුල් විහිදී තිබේ නම් ශාකය ගලවා වෙනත් බඳුනකට මාරු කළ යුතුය.

බෝගන්විලා ශාකයට වැලදෙන රෝග

• පසු මැරීම
•  සුදු පුස් රෝගය
•  පිටි මකුණා

විසිතුරු ඕකිඩ් වගාව

 දේශීය වෙළෙඳපොළ තුළ කැපුම් මල් වගාවක් ලෙස ඉහළ ඉල්ලුමක් ඇති ඕකිඩ් මල් වගාව මල් ලෝලීන් අතර ඉතා ජනප්‍රිය මල් වර්ගයකි.මලෙහි පවතින හැඩය, පෙනුම, වර්ණ වල පවතින විවිධත්වය නිසා මෙම මල් බොහෝ දෙනා අතර ජනප්‍රිය වී ඇත.

ඔකිඩ් ශාකයේ විවිධ ප්‍රභේද ඇති අතර මෙම ශාකය වර්ධනයට විවිධ දේශගුණික සාධක අත්‍යවශ්‍ය වේ.

• උෂ්ණත්වය 

උෂ්ණත්වය 25c-30c අතර පැවතිය යුතු අතර රාත්‍රී කාලයේ දී එය 15c ට වඩා අඩු විය යුතුය.

• සූර්යාලෝකය 

ඔකිඩ් ශාකය සඳහා සූර්යාලෝකයේ අත්‍යවශ්‍ය වන අතර සමහර ඔකිඩ් වර්ග අධික සෙවනේ වැඩෙනු ඇත.ශාකයේ ගණය අනුව ලබා දිය යුතු ආලෝක ප්‍රමාණය වෙනස් වේ.

• ආර්ද්‍රතාවය    

ඔකිඩ් වගාව සඳහා පැවතිය යුතු ජලවාෂ්ප ප්‍රමාණය 70-75% අතර විය යුතුය. මෙම ශාක වැඩෙන ස්ථානය ද විවිධ වේ. ඔකිඩ් ශාක පස මත භෞමිකව ද ධාරක උපයෝගී කරගෙන ද ආරෝහක වල ඉහලට වැඩේ. එසේම සමහර වර්ග මෘතෝපජීවී ලෙස ද වැඩෙනු ඇත.ඕකිඩ් මල් වගාවේ විවිධ වර්ග දැකගත හැකි අතර දැනට හඳුනාගෙන ඇති ඔකිඩ් විශේෂ 19,000ක් පමණ ඇත. ඒ අතර ,

• ඩෙන්ඩ්රෝබියම් 
• වැන්ඩා
• ඔන්සීඩියම්
•  පැලනොප්සීස්

 වැනි ඕකිඩ් වර්ග විශේෂ වේ.

ඩෙන්ඩ්‍රොබියම් (Dendrobium)

      ශ්‍රී ලංකාවේ ආර්ථිකමය වශයෙන් වැදගත් වනුයේ ඩෙන්ඩ්‍රෝබියම් වේ . නිවර්තන හා උප නිවර්තන ප්‍රදේශවල බහුල ලෙස ව්‍යාප්ත වී පවතී. එසේම තායිලන්තය, සිංගප්පුරුව හා හවායි රටවලට මෙය නිෂ්පාදනය වේ.මෙම  මල් වර්ගය බහුපාදී වර්ධනයක් පෙන්නුම් කරන අපි ශාක වේ. දැකුම්කළු වර්ණවලින් යුක්ත වීමත් , මලෙහි පවතින දිගුකල් භාවයත් පහසුවෙන් ප්‍රවාහනය කිරීමට ඇති හැකියාවත් , වර්ධන වේගයත්, ඉක්මනින් පැළ විශාල සංඛ්‍යාවක් ලබා ගැනීමේ හැකියාවත්, දිගුකල් පැවැත්ම නිසාත් මෙම මල් වඩාත් ප්‍රචලිත වී ඇත. dendrobium මලෙහි ස්වභාවය හා රෝපණ ක්‍රියාව පදනම් කරගෙන මෙය ප්‍රධාන ආකාර තුනකට වර්ග කරනු ලබයි . 

1.    පැලනොප්සීස් දර්ශකය (Phalaenopsis Type)

මෙම මල් සලබයෙකුගෙ හැඩය පෙන්නුම් කරන අතර තනි ඒකාක්ෂයක මල් දහයක් පහළොවක් පමණ හටගනී. දම්, තද රතු, නිල් මිශ්‍රිත රතු හා සුදු ලෙස මල් විවිධ වර්ණයෙන් ඇත.කැපුම් මල් වගාව සඳහා සුදුසු වේ.

  2.        කේන් දර්ශකය (Cane Type)

මෙම මල්වල දල පත්‍ර හා මනිපත්‍ර ඇඹරී ඇති අතර ඒ නිසාම මෙය මකුළුවකුගේ ස්වරූපයක් ගනී .සුදු ,රෝස ,කහ ,දම්, තැඹිලි, දුඹුරු, රතු ලෙස වර්ණ පරාසයක පැතිරී ඇත. කැපුම් මල් වගාව සඳහා එතරම් සුදුසු නොවේ.

  3.    අතරමැදි දර්ශකය (Intermediate Type)

අතරමැදි දර්ශකය පැලනොප්සීස් හා කේන් අතර දෙමුහුමකින් ලබා ගන්නා වර්ගයක් වේ. මෙම මලෙහි අතරමැදි ලක්ෂණ පෙන්නුම් කරන අතර සෑම වර්ණයකම මල් දක්නට ලැබේ. මෙය කැපුම් මල් වගාව සඳහා වඩාත් උචිත වේ. 

වැන්ඩා ( Vanda)

වැන්ඩා අපි ශාකයක් වන අතර අඛණ්ඩ වර්ධන වේගයක් පෙන්නුම් කරන ඒකපාදී වර්ධන වේගයක් පෙන්නුම් කරන ශාක විශේෂයකි. පත්‍රවල හැඩය අනුව ප්‍රධාන ආකාර තුනකි.

1.         පටි ආකාර පත්‍ර සහිත වැන්ඩා

විශාල අලංකාර මල් වන අතර මල්වල වල රටාවන් දැකිය හැකිය. මෙම වර්ගයෙහි මල් පත්‍ර පටි ස්වභාවයක් ගන්නා අතර වාර්ෂිකව හටගන්නා මල් ප්‍රමාණය අඩුය. 

2.        නාලාකාර වැන්ඩා

මෙහි පත්‍ර නාලාකාර වන අතර සූර්යාලෝකය මත වර්ධනය වේ.

3.        අර්ධ නාලාකාර වැන්ඩා

ඉහත ආකාර දෙකෙහි අතරමැදි ලක්ෂණ මෙම වර්ගයේ පෙන්නුම් කරයි.පිලි හැඩති නැමුණු පත්‍ර ඇති අතර සූර්යාලෝකය යටතේ එළි මහනේ වගා කළ හැකිය.එසේම මෙම වර්ගයේ මල්වල කල්පැවැත්ම වැඩිය.

ඔන්සිඩියම් (Oncidium)

මෙම ඕකිඩ් විශේෂය බහුපාදී වර්ධන විලාසයන් දරණ අතර හෞමික හා අපිශාක යන ආකාර දෙකම දක්නට ලැබේ. මෙහි ඇති විශේෂත්වය නම් ඒවා නැට්ටුවෙකුගේ හැඩය ගැනීමයි. කැපුම්මල් සඳහා හා බඳුන්ගත පැල සඳහා යොදා ගනී.

පැලනොප්සිස්: (Phalaenopsis)

ඒකපාදි වර්ධන විලාසයෙන් යුත් අපි ශාකයෙකි. කෙටි කදක් හා මංසල පත‍්‍ර දක්නට ලැබේ. මල් සලඹයෙකුගේ හැඩය ගන්නා අතර කල් පැවැත්ම වැඩිය. බඳුන්ගත පැළෑටි සඳහා හා කැපුම් මල් සඳහා යොදා ගනී.

 

පැළ බදුන්ගත කිරීම

මේ සඳහා දැව අගුරු යොදා ගනී. අඟුරු නිෂ්පාදනයේ දී තරමක් මේරූ දැව වර්ග යොදා ගැනීම සුදුසු වේ. මෙයට අමතරව අඟුරු සමඟ උළු කැබලි හෝ හොදින් පොල් ලෙලි කැබලි 1 : 1 අනුපාතයට මිශ‍්‍ර කර භාවිතා කළ හැක.

උඩවැඩියා ශාක සඳහා සෙවණ දැලට අමතරව UV ප‍්‍රතිකාර කරන ලද පොලිතින් හෝ වීදුරු වහලක් යටතේ වගා කරන්නේ නම් පහත සඳහන් මාධ්‍ය භාවිතා කළ හැක

මාධ්‍ය 2 අඟුරු 1 චිප්ස් ගල් කැබලි 1 කොහුබත්1( 2.5mm) (සෙ.මි. 1 ගණකම) ඉහත මාධ්‍යයට, සෙමින් මාධ්‍යයට එකතු වන කැට පොහොරක් එකතු කළ හැක.බඳුන් ලෙසමැටි සිමෙන්ති බදුන් හෝ ප්ලාස්ටික් බදුන් භාවිතා කළ හැක. මෙම බදුන්වල පාර්ශ්වික වශයෙන් සිදුරු පවතින ආකාරයට සකස් කළ යුතු අතර ඒවා මඟින් ශාකවල මූල පද්ධතියට වාතාශ‍්‍රය ලැබීම සිදුවේ.

තාවාන් ආරම්භ කිරීත්‍ම් දී පැළ 25 ක් පමණ අඩංගු වන සාමුහික බදුන් යොදා ගැනීම ලාභදායකය. සාමුහික බදුනක ඇති පැල අඟල් 2 - 3 ක් අතර ප‍්‍රමාණයට වැඩුණු පසු බදුනෙන් පැළ ඉවත් කර අඟල් 2 විශ්කම්භයක් ඇති අඟල් 2 පමණ උස වූ බදුණක රෝපණය කළ යුතුය. එම බදුනේ පැළයක් අඟල් 6 ක් පමණ උසට වැඩුණු පසු අඟල් 5 ක් පමණ විශ්කම්භයක් ඇති අඟල් 5 ක් පමණ උස් වූ බදුනක එම පැළ රෝපණය කළ යුතුය. මල් එන අවස්ථාව දක්වාම අඟල් 5 බදුන තුළ පැළ වර්ධනය වීමට සැලැස්විය යුතුයි.

ජලය යෙදීම.

ඕකිඩ් වගාව සදහා වැසි ජලය ළිං ජලය හා වෙනත් වාරි මාර්ගයකින් ලබා ගන්නා පිරිසිදු ජලය භාවිතා කිරීම යෝග්‍ය වේ. ක්ලෝරින් සහිත ජලය භාවිතා කරන්නේ නම් පැ. 24 ක කාලයක් විවෘතව ටැංකියක රදවා තබා පසුව යෙදිය හැක.

උඩවැඩියා වගාව සඳහා ජලය සැපයීමේ දී බදුන් වියළි තත්ත්වයෙන් පවති නම් පමණක් ජලය සැපයිය යුතුය. වැසි සහිත කාලගුණික තත්ත්වයන් සඳහා උඩවැඩියා සඳහා ජලය අවශ්‍ය නොවේ. කාලගුණික තත්ත්වය යටතේ දිනකට එක් වරක් ද වියළි කාලගුණික තත්ත්වය යටතේ දිනකට දෙවරක් ද (උදේ නවස්) ජලය සැපයීම සුදුසුය. වියළි කාලගුණික තත්ත්වයන් සහිත දින තුළ එහි තෙත්ව තබා ගැනීමෙන් වායුගෝලීය ආර්ද්රතාවය වැඩි විය හැක.

පොහොර යෙදීම.

උඩවැඩියා ශාක සඳහා කාබනික සහ අකාබනික වශයෙන් පෙහොර වර්ග 2ක් භාවිතා කරනු ලැබේ.

මෙම ශාකවලට පොහොර යෙදීමේ දී දියරමය තත්ත්වයෙන් පමණක් පෝෂණය කළ යුතු අතර මල් පානය සඳහා දියර දියරයක් ඉසිය යුතුය. හොදින් හිරු එළිය පවතින දිනවලදී උදේ වරුවේ පමණක් හොර රහසේ සිදු කළ යුතුය. පොහොර භාවිතයේදී සතියකට එක් වරක් සියලුම වයස්වල පැල සඳහා භාවිතා කළ යුතුය.

කිඩ් වගාව සඳහා සුදුසු වැළදෙන රෝග

• බැක්ටීරියා කුණුවීම 
• පළිබෝධකයන්ගෙන් වන හානිය

ලොව අරුම පුදුම මල්

 ස්වඩ්ල්ඩ් බේබීස් (Swaddled Babies )

මේ මල් වර්ගය ඕකිඩ් කුලයට අයත් ය. මේ මලෙහි විද්‍යාත්මක නම ඇන්ග්ලෝආ යුනිෆ්ලෝරා (Angloua Uniflora) වේ. මේ ශාකය වගා කරන්නේ කොළොම්බියාවේ ය. මේ මල් වර්ගය තරමක් විශාලත්වයෙන් යුක්ත ය. ක්‍රීම් පාට සහ සුදු පැහැය සම්මිශ්‍රණය වීමෙන් මේ මල් වර්ගය නිර්මිත වී ඇත. මේ මලෙහි ඇති වඩාත් අලංකාර බව ඔප්නැංවෙන්නේ, කුඩා ළදරුවකු රෙදි කැබැල්ලකින් ඔතා තිබෙන ස්වරූපයකින් එය නිර්මිත වී තිබෙන නිසා ය. ඕනෑම කෙනකුට මේ මල මඟින් අපූර්වත්වයක් පෙන්නුම් කෙරේ. ස්වභාවධර්මයේ ඉතාමත් අපූර්ව සහගත දායාදයක් ලෙස මේ මල් වර්ගය හැඳින්වීමට පුළුවන. ඔතා තිබෙන ස්වරූපයකින් එය නිර්මිත වී තිබෙන නිසා ය. ඕනෑම කෙනකුට මේ මල මඟින් අපූර්වත්වයක් පෙන්නුම් කෙරේ. ස්වභාවධර්මයේ ඉතාමත් අපූර්ව සහගත දායාදයක් ලෙස මේ මල් වර්ගය හැඳින්වීමට පුළුවන.

02. හුකර්ස් ලිප්ස් (Hooker’s Lips)

මේ මල් වර්ගයේ විද්‍යාත්මක නාමය වන්නේ සයිකොට්‍රියා එලටා ය. එහෙත් මේ මලෙහි බාහිර ස්වරූපය රතු පාටින් අලංකාර කරන ලද කාන්තාවකගේ තොල් පෙති යුගලට සමාන ය. මේ හේතුවෙන් මේ මල් වර්ගය හුකර්ස් ලිප්ස් ලෙස හඳුන්වයි. මේ මල් වර්ගය දක්නට ලැබෙන්නේ නැඟෙනහිර හා බටහිර අප්‍රිකානු වැසි වනාන්තර තුළදී ය. මෙහි ඇති ඉතා තද රතු වර්ණය, මේ මලට අමුතුම ආකාරයේ අලංකාරයක් එක්කරයි. විදේශීය මල් ලෝකයේ ඉදිරියෙන්ම සිටින මල් වර්ගයක් ලෙස මේ මල් හැඳින්විය හැකි ය.

03. මන්කි ඕකිඩ් (Monkey Orchid)

මේ මල් වර්ගයේ විද්‍යාත්මක නම වන්නේ ඩ්‍රැකියුලා සිමියා ය. මේ මලෙහි බාහිර ස්වරූපය වඳුරකු බඳු ය. මන්කි ඕකිඩ් මල් විශේෂය දක්නට ලැබෙන්නේ පේරු රාජ්‍යයේ නැඟෙනහිර සහ බටහිර වැසි වනාන්තර තුළ ය. සම්පූර්ණ අවයවවලින් සම්පූර්ණ වූ වඳුරකුගේ විලාසය මෙහි දක්නට ලැබීම , සොබාදම් මෑණිය විසින් කරන ලද වික්‍රමයක් ලෙස හැඳින්වීමට පුළුවන. තවත් සමහර පුද්ගලයන් මේ මලෙහි ස්වරූපය බැබුන් කෙනකුගේ බාහිර අංග ලක්ෂණවලට සමාන කරයි. මෙහි වර්ණය වන්නේ තැඹිලි පැහැයයි.

04. නේක්ඩ් මෑන් ඕකිඩ් (Naked Man Orchid)

මේ මල් වර්ගයේ විද්‍යාත්මක නම වන්නේ ඕචිස් ඉටැලිකා ය. මෙය ඉතාලියානු ඕකිඩ් විශේෂයට අයත්ය. මේ මල් වර්ගයේ බාහිර ස්වරූපය හිස වසාගත් මිනිසකු බඳු ය. වර්ණය වන්නේ තද දම් පාට සහ සුදු පැහැයයි. එම වර්ණ මනාව සම්මිශ්‍රණය වී මේ මල් වර්ගයට අමුතුම ආකාරයේ හැඩයක් එක්තැන් වී ඇත.

05. ඩව් ඕකිඩ්/ හෝලි ගෝස්ට් ඕකිඩ් (Dove Orchid/ Holy Ghost Orchid)

මේ මල් වර්ගය ඕකිඩ් කුලයට අයත් ය. විද්‍යාත්මක නාමය වන්නේ පෙරිස්ටීරියා ය. මේ මල් විශේෂය දකුණු අමෙරිකාවේ පැනමා ප්‍රදේශයේ වගා කරයි.‍ වර්ණය පැහැදිලි සුදු පැහැයයි. බාහිර ස්වරූපය කුරුල්ලකුගේ තටුවලට සමාන ය. පැහැදිලි සුදු පැහැයත් සමඟ දම් පැහැති කුඩා තිත් ස්වරූපයක් ඉන් දිස්වේ. මේ මල, නිදහස් බවේ ප්‍රතිමූර්තිය බඳු යැයි සමහරු හඳුන්වති. මලෙහි ඇතුළත කොටසෙහි පුංචි කුරුලු පැටවකුගේ දර්ශනය දැකගත හැකි වීම මෙහි ඇති විශේෂත්වයයි.

06. ස්නැප්ඩ්‍රැගන් (Snapdragon and its Skull)

මේ මල් වර්ගයේ විද්‍යාත්මක නාමය වන්නේ ෂැප්ඩ්‍රැගෝ ය. මේවා වගා කරන්නේ යුරෝපය, අමෙරිකාව සහ උතුරු අප්‍රිකානු ප්‍රදේශවල ය. මේ මලෙහි බාහිර ස්වරූපය මුඛය හැරගෙන සහ වසාගෙන සිටින මකරකුගේ මුහුණ බඳු ය. පැරැණි සංස්කෘතියේ විසූ ජනයා මේ මල හැඳින්වූයේ ස්වභාවධර්මයේ අපූර්ව නිර්මාණයක් ලෙසයි. මේ මලෙහි වර්ණය වන්නේ රෝස පැහැයයි. මේ මල් වියළීමෙන් පසු සැබෑ මකරකුගේ මුහුණෙහි ස්වරූපය මනාව දිස්වේ.

07. ඩක් ඕකීඩ් (Duck Orchid)

මෙහි විද්‍යාත්මක නාමය වන්නේ සෙලෙන්නා ය. මේ මල් වර්ගය වගා කරන්නේ ක්වීන්ස්ලන්ඩ් (ඔස්ට්‍රේලියා), ටස්මේනියාව සහ දකුණු ඔස්ට්‍රේලියාව යන ප්‍රදේශවල ය. දුඹුරු පැහැයෙන් යුක්ත වන මේ මල් විශේෂයේ බාහිර ස්වරූපය තාරාවකු බඳු ය. තාරාවකුගේ හොට ඉතාමත් ම ස්වභාවික අන්දමින් මේ මලෙහි දැකුම්කළු ස්වරූපය දැක ගැනීමට පුළුවන. මේ මලට විශේෂිත වූ ඩක් ඕකිඩ් යන නම ලැබී ඇත්තේ ද එම නිසා ය.

08. බලෙරිනා ඕකිඩ් (Ballerina Orchid)

මෙහි විද්‍යාත්මක නාමය වන්නේ ද බලෙරිනා ඕකිඩ් ය. මේවා වගා කරන්නේ ඔස්ට්‍රේලියානු මහද්වීපයේ ය. ක්‍රීම් පැහැ‍යත් සමඟ සම්මිශ්‍රණය වූ මේරූන් පැහැති තිත් සලකුණුවලින් මේ මල අලංකාර වී ඇත. මේ මලෙහි ස්වරූපය බැලේ නර්තනයේ යෙදෙන කාන්තාවක බඳු ය. ස්වභාවධර්මයේ ඉතාමත් ම ආකර්ෂණීය දායාදයක් ලෙස බලෙරිනා ඕකිඩ් මල් හැඳින්විය හැකි ය.

09. පැරට් ෆ්ලවර් (Parrot Flower)

මෙහි විද්‍යාත්මක නාමය වන්නේ ඉම්පේටියන්ස් සිටාසිනා ය. බල්සම් කුලයට අයත් මල් විශේෂයක් ලෙස මෙය හැඳින්වීමට පුළුවන. මේ මල් වර්ගය මුලින්ම සොයා ගන්නා ලද්දේ 1901 වසරේදී බ්‍රිතාන්‍ය ජෛව විද්‍යාඥ , සර් ජෝසෆ් ඩාල්ටන් හුකර් විසිනි. පැරට් ෆ්ලවර් මල් විශේෂය වගා කරන්නේ ඉන්දියාව, තායිලන්තය සහ මියන්මාරය යන ප්‍රදේශවලයි. මේ මල් විශේෂයේ බාහිර ස්වරූපය ගිරවකු බඳු ය. මෙය ද ස්වභාවධර්මය විසින් කුරුල්ලකුගේ ස්වරූපය මැනවින් නිර්මාණය කර ඇති අවස්ථාවක් ලෙස හැඳින්වීමට පුළුවන. මේ මලෙහි අන්තර්ගත වර්ණ ලෙස දම් පැහැය, තද රතු පැහැය හඳුන්වා දිය හැකි ය.

10. බ්ලීඩින් හාර්ට් (Blecding Heart)

මෙහි විද්‍යාත්මක නාමය වන්නේ ලැම්ප්‍රොකැප්නොස් ය. පොපි මල් කුලයට මේ මල් විශේෂය අයිති වේ. හදවතක ස්වරූපය මින් මනාව පිළිබිඹු වේ. මේ මල් විශේෂය වගා කරන්නේ උතුරු ජපානය, කොරියාව සහ සයිබීරියාව යන ප්‍රදේශවල ය. මේ මල් වර්ගයේ අන්තර්ගත වර්ණ ලෙස පැහැදිලි සුදු පැහැය සහ දම් පැහැය හඳුන්වා දීමට පුළුවන. බ්ලීඩින් හාර්ට් මල් විශේෂය ස්වභාවධර්මය විසින් නිර්මාණය කරන ලද අපූර්වතම නිර්මාණයක් ලෙස හැඳින්විය හැකි ය.(අන්තර්ජාලය ඇසුරිනි)